عرض مشاركة واحدة
     
قديم 05-17-2017, 02:26 AM   رقم المشاركة : 7
لارين
عضو جديد





 

الحالة
لارين غير متواجد حالياً


 



 
افتراضي رد: إستخدام السودوكاتاليز مع الناروباند - pseudocatalase PC-KUS

أنا عايشة بأوربا وانا وابني مصابين بالبهاق ,وابني يستخدم هذا الكريم السودوكاتليز الألماني الصنع بعد ما زرنا دكتورة كارين شالوتر اللي سوت هذا الكريم .الدواء يستخدم مع التعرض للناروباند حسب جدول لمدة ثلاثة أشهر كالتالي: أربعة أسابيع يوضع الكريم مرتين باليوم صباحا ومساءا مع التعرض للناروباند مرتين ثم بعدها يوضع الكريم مرتين باليوم لمدة ثمان أسابيع مع التعرض مرة واحدة للناروباند مساءا فقط وعند اكتمال ثلاثة أشهر نرسل تقرير بالصور للطبيبة حتى تتابع معنا الحالة . طبعا مع أخذ الفيتامينات حسب حالة الجسم وبعد ان نسوي تحاليل تطلبها من عدنا دكتورة كارين وعند زيارتها تقوم أيضا بعمل تحاليل للمريض وأخذ صور للمريض. وكل سنة بشهر الخامس تنزل الدكتورة للبحر الميت وتدعونا معاها طبعا على نفقتنا الخاصة ينزل اكثر من ثلاثمائة مصاب بالبهاق لمدة ثلاثة أسابيع مع برنامج خاص للتعرض للشمس والسباحة في البحر الميت يزيد من مفعول الدواء. يوجد مذيع أمريكي اسمه لي توماس عنده فديوات على اليوتوب هو أصلا أفريقي أمريكي وصار ابيض تماما بعد الإصابة بالبهاق ولما جرب علاج دكتوره كارين رجعتله نسبه كبيره من صبغة الجسم. طبعا العلاج مزعج ومتعب لازم الدواء يبقى أربعة وعشرين ساعة بالجسم كله حتى الأماكن غير المصابة لازم تغطيها بالكريم وكلما تغسل أو تتوضأ لازم تعيد وضع الكريم مع استعمال فقط شامبوات وصوابين الأطفال والمكياج بالنسبة للنساء يكون غني بالمعادن وطبعا هذا متوفر عدنا بأوربا بس سعره غالي. الدواء سعرة 100يورو والعلبة يادوب تكفي أسبوعين ،والأصلي موجود بس عند دكتورة كارين وماتبيعه بس لمرضاها وباقي المواقع اللي تبيع نفس الدواء الدكتورة تكول إنّو مو أصلي .ابني كان مصاب بالعينين وبدت تتصبغ 80٪‏ والاكواع والارجل بدا بيها التصبغ بس الأيدين بعد ماشفنا استجابة .يارب يشفى تماما .بالمناسبة السباحة بأحواض السباحة اللي بيها كلورين أيضا ممنوعة لانها تزيد المرض وهيه اللي زودت المرض عند ابني . ان شاء الله أبدي أنا كمان بالعلاج قريبا والله يسهل ويشفينا جميعا أمين .



رد مع اقتباس